Պատմական ակնարկ
«Գրիգորիս»բժշկա-հումանիտար քոլեջ սահմանափակ պատասխանատվությամբ ընկերությունը (ՍՊԸ) ստեղծվել է «Երևանի տնտեսա — իրավագիտական համալսարան» սահմանափակ պատասխանատվությամբ ընկերության (ՍՊԸ) «գրանցված ՀՀ ձեռնարկությունների պետական ռեգիստրի կողմից 03.05.1995թ., գրանցման թիվ՝ 286.080.01196, պետական գրանցման վկայական՝ 03/Ա060675»:
2006թ. առանձնացման ճանապարհով վերակազմակերպման արդյունքում հանդիսանում է նրա իրավահաջորդը և շարունակում է իր առաքելությունը՝ պահպանելով բարի համբավն ու նաև ճանաչումը արտերկրում:
Ընկերությունը ունի իր ֆիրմայի անվանումը «հայերեն, ռուսերեն նաև անգլերեն, գրառումներով» ինչպես նաև Հայաստանի Հանրապետության կառավարության կողմից սահմանված այլ վավերապայմաններ պարունակող կլոր կնիք, դրոշմներ և ձևաթղթեր, ինչպես նաև խորհրդանիշ, օրենքով սահմանված կարգով գրանցված ապրանքային առևտրային և այլ նշաններով անհատականացնող այլ միջոցներ:
«Գրիգորիս» բժշկա-հումանիտար քոլեջն ունի շենքային բավարար պայմաններ վարձակալությամբ, որը գտնվում է Արշակունյաց 40 հասցեյում.
- մասնաշենք, որը հագեցած է լսարաներով, կաբինետ-լաբորատորիաներով և օժանդակ հարմարություններով:
- Ունի գրադարան «սեփական» որից օգտվում են քոլեջի ուսանողներն ու դասախոսները:
- Մարզադահլիճ և մարզահրապարակ՝ «վարձակալությամբ» համապատասխան մարզասարքերով, որոնք հնարավորություն են տալիս ուսանողներին մարզվել, կազմակերպել մարզական տարբեր միջոցառումներ:
- Միջոցառումների դահլիճ, որտեղ կազմակերպվում են բազմազան միջոցառումներ՝ համերգներ, գրական ցերեկույթներ, համաժողովներ, շնորհանդեսներ և այլն:
- ՈՒսումնական մասի կաբինետ, որտեղ անցկացվում են ոչ միայն քոլեջում գործող խորհուրդների և հանձնաժողովների նիստերը այլ նաև սեմինարներ, քննարկումներ, հանդիպումներ և այլն:
- Կաբինետ-լաբորատորիաների կողքին գործում է անվտանգության և առաջին օգնության կաբինետը, որտեղ ուսանողներին և քոլեջի աշխատակազմին ցուցաբերվում է առաջին բուժօգնություն:
«Գրիգհորիս» բժշկա — հումանիտար քոլեջն իրականացնում է միջնակարգ լրիվ ընդհանուր և հիմնական ընդհանուր կրթության հիմքերով կրթական ծրագրեր, ուսանողակենտրոն մոդուլային ուսուցմամբ.
- «Քույրական գործ»
- «Ատամնատեխնիկական գործ»
- «Դեղագործություն»
- «Մանկաբարձական գործ»
Համաձայն ներկայիս գործող Ռազմավարական զարգացման ծրագրի նախատեսվում է որպես նորարարություն և բարեփոխում մշակել և մոտ ապագայում իրավունք ձեռք բերել իրականացնելու ուսուցում նոր մասնագիտությամբ՝ «Բուժական կոսմետոլոգիա»:
Քոլեջի դասախոսական կազմը իր բարեխիղճ աշխատանքի շնորհիվ արժանացել է ՀՀ ԿԳՄՍ նախարարության վստահությանը անցկացնելու պետական հավատարմագրում չունեցող միջին մասնագիտական կրթական ծրագրով կրթություն ստացած անձանց պետական ամփոփիչ ատեստավորման քննությունների անցկացումը:
Քոլեջի տնօրինությունը ջանք ու եռանդ չի խնայում ստեղծելու ուսումնամեթոդական հարուստ համալիր, ապահովելու դասախոսների մասնագիտական առաջընթացը, ներդնելու ուսուցման նոր մեթոդներ ու տեխնոլոգիաներ, առաջավոր փորձ և այն տարածելու ուղղությամբ կազմակերպելու տարբեր միջոցառումներ. սեմինարներ, համաժողովներ, հանդիպումներ ՀՀ և արտերկրի առաջավոր մասնագետների հետ:
Քոլեջի ղեկավարության կողմից պարբերաբար կազմակերպել են այցելություններ ինչպես հանրապետությունում այնպես էլ արտասահմանում գտնվող համանուն ուսումնական հաստատություններ, ուսումնասիրելու մասնագիտական բնագավառում կիրառվող նոր մեթոդները, ինչպես նաև ներկայացնելու մեր ձեռքբերումները ուսման բնագավառում:
Ուսումնառության ընթացքում քոլեջի ուսանողները, բացի իրենց մասնագիտություններից, ուսումնասիրում են տարբեր համակարգչային ծրագրեր, ծանոթանում են օտար երկրների ավանդույթներին:
«Գրիգորիս» բժշկա-հումանիտար քոլեջը սերտորեն համագործակցում է միջազգային առաջավոր ուսումնական հաստատությունների և կազմակերպությունների հետ.
- Իդա-Վիրումաա ուսումնական կենտրոն (Էստոնիայի Հանրապետություն)
- Կաունասի «Սուրբ Իգնատիուս Լոյոալայի» քոլեջ (Լիտվայի Հանրապետություն)
- Վիլնյուսի զբոսաշրջության և առևտրի դպրոց (Լիտվայի Հանրապետություն )
- Հյուսիս-կովկասյան դաշնային համալսարան (ՌԴ, Պյատիգորսկի մասնաճյուղ)
- Վալգա մասնագիտական ուսումնական կենտրոն (Էստոնիայի Հանրապետություն)
- «Մոսկվայի բժշկական քոլեջ»Դաշնային պետական բյուջետային մասնագիտական ուսումնական հաստատություն
- «Գրոդնոյի պետական բժշկական քոլեջ» (Բելառուսի Հանրապետություն):
- «Campus International» ՍՊԸ (Հնդկաստան-Հայաստան):
- «Պանացեա հանրային քոլեջ» (Վրաստանի Հանրապետություն):
Քոլեջը ունի բազմաթիվ սոցիալական գործընկերներ՝ այդ թվում նաև գործատուներ, ովքեր ապահովում են քոլեջի ուսանողների ուսումնական, արտադրական և նախաավարտական պրակտիկաները, իսկ հետագայում լավագույն ուսանողներին հնարավորություն ընձեռնում ընդունվելու աշխատանքի.
- Հայաստանի գործատուների հանրապետական միություն
- Գործարար կանանց աջակցման բիզնես-կենտրոն
- «Մոր և Մանկան առողջության պահպանման գիտահետազոտական կենտրոն»
- «Լևոն և Լամարա» դեղատների ցանց
- «ՎԱԳԱ ՖԱՐՄ» ՍՊԸ դեղատների ցանց
- «Ալա Ֆարմ» դեղատների ցանց
- « Մեդլայն Ֆարմ» ՍՊԸ
- « ՖարմԷքս» ՍՊԸ
- «Նյու-Հոպ» ատամնաբուժական կլինիկա ՍՊԸ
Գրիգորիս բժշկա-հումանիտար քոլեջը հիմնադրման պահից մինչ օրս տվել է մոտ 1400 շրջանավարտ և այսօր էլ պատրաստում է իր առաքելությանն ու նպատակներին, ՀՀ որակավորումների ազգային շրջանակի պահանջներին համահունչ, մրցունակ մասնագետներ ՀՀ աշխատաշուկայի համար:
